“Наурыз”-ын баярт зориулсан хүндэтгэлийн баярын хурал

УЛСЫН ИХ ХУРЛЫН ДАРГА Г.ЗАНДАНШАТАР ТӨРИЙН ДЭЭД ОДОН, МЕДАЛЬ ГАРДУУЛАВ “Наурыз”-ын баярт зориулсан хүндэтгэлийн баярын хурал М.Хурманханы нэрэмжит хөгжимт драмын театрт боллоо. Баярын хурал театрын уран бүтээлчдийн тоглолтоор эхэлж, аймгийн ИТХ-ын дарга Ш.Хавыл мэндчилгээ дэвшүүлснээр ёслол төгөлдөр эхлэлээ. Улсын Их Хурлын дарга Г.Занданшатар, Ерөнхийлөгчийн Тамгын газрын дарга Я.Содбаатар нар Монгол Улсын Ерөнхийлөгчийн зарлигаар улсад он удаан жил үр бүтээлтэй ажиллаж байгаа болон ажиллаж байсан хүмүүсийг төрийн цол, одон медалиар энгэрийг нь мялаалаа.